دنیا کے سب سے بڑا انسانی پرچم کا ریکارڈ پاکستان کے نام

(ایجنسیز)


صوبائی دارلحکومت لاہور میں جاری شدید بارش اور ژالہ باری کے دوران پاکستانیوں نے دنیا کا سب بڑا انسانی پرچم بنا کر بنگلہ دیش کا ریکارڈ اپنے نام کر لیا ہے۔

ہفتے کے روز نیشنل ہاکی سٹیڈیم میں طلباء کی کثیر تعداد موجود تھی اور شدید بارش کے باوجود بنگلہ دیش کا ریکارڈ توڑ کر اپنے ملک کا نام روشن کرنے کیلئے پرعزم تھے۔

نیشنل ہاکی سٹیڈیم میں 29,040 شریک طلباء نے دنیا کا سب سے بڑا انسانی جھنڈا بنا کر بنگلہ دیش سے ریکارڈ چھین لیا۔ اِس سے



قبل بنگلہ دیش کے 27,170 طلباء نے پانچ منٹ اور کچھ سیکنڈ کا ریکارڈ بنایا تھا۔ گینز ورلڈ ریکارڈ کی ٹیم نے جیسے ہی سب سے بڑا انسانی جھنڈا بنانے کی تصدیق کا اعلان کیا تو سٹیڈیم میں قرآن پاک کی تلاوت لگائی گئی جبکہ ملک بھر میں خوشی کی لہر دوڑ گئی۔

تقریب میں پنجاب کے وزیر اعلی شہباز شریف کے صاحبزادے حمزہ شہباز شریف اور صوبائی کھیل رانا مشہود خان نے بھی شرکت کی۔ واضح رہے اسی اسٹیڈیم میں پچھلے سال طلبا نے دنیا کا سب سے بڑا جھنڈا بنا نے کا ریکارڈ بھی قائم کیا تھا۔